Дэвшилтэт медиа: Блог

Манай улсын цахим хэрэглээ нэмэгдэж 2010 онд хийгдсэн тооллогын дүнд нийт интернэт хэрэглэгчдийн тоо 740,0 мянгад хүрсэн байна. Энэ тоо нь өнгөрсөн оныхтой харьцуулахад 40% өссөн дүн харагдаж байна. Манай улсад үйл ажиллагаа явуулж буй хэвлэл мэдээллийн хэрэгсэлүүдийн 80% нь нэг талыг барьсан мэдээлэл түгээдэг болсон. Тиймээс хэрэглэгчид цахим хэлбэрээр мэдээлэл авч болохуйц олон сувгуудын дундаас сонголтоо хийж байна. 

Миний хувьд мэдээллийн эх сурвалж бол микро блог буюу twiiter.com, мөн мэргэжилтнүүдийн блог хуудсуудаас мэдээлэл авдаг. Би ямар нэгэн мэдээллийн цахим хуудсуудаас мэдээлэл авахаас илүүтэйгээр нийтлэгч нь тодорхой байх ямар нэгэн Блог-оос авсан мэдээлэлдээ илүү итгэлтэй байдаг. 

Энэ байдал нь цахим хэрэглээ илүү хөгжсөн газруудад ажиглагддаг. Хэрэглэгч ямар нэгэн бүтээгдэхүүн үйлчилгээ авахын өмнө интернэтээс хайдаг соёл хэвшисэн байдаг. Ингэхдээ тухайн байгууллагын үндсэн цахим хуудсаас илүүтэйгээр тухайн бүтээгдэхүүн үйлчилгээг өмнө нь ашиглаж байсан хүмүүсийн санал, сэтгэгдэлүүдэд илүү анхаарлаа хандуулдаг болсон.

Тиймээс Блог цахим хуудсууд нь хувь хүн бүхэнд нээлттэй байдаг мэдээллийн суваг юм. Бизнес эрхлэгчид болон мэргэжилтнүүд өөрсдийн хийж бүтээж буй зүйлсийн талаар маш бага зардлаар хүмүүст хүргэх боломж мөн энд байна. 

Хэрэв та блогтой бол Монгол блогчид цахим хуудсаар зочилон өөрийн блогийг бүтгүүлэхийг зөвлөж байна. Мөн The New Media Marketing Agency-с санаачилж буй Зарлиг хүмүүнлэгийн хөдөлгөөнд нэгдэхийн уриалж байна. 

 

 

 

New media: Blog

Манай улсын цахим хэрэглээ нэмэгдэж 2010 онд хийгдсэн тооллогын дүнд нийт интернэт хэрэглэгчдийн тоо 740,0 мянгад хүрсэн байна. Энэ тоо нь өнгөрсөн оныхтой харьцуулахад 40% өссөн дүн харагдаж байна. Манай улсад үйл ажиллагаа явуулж буй хэвлэл мэдээллийн хэрэгсэлүүдийн 80% нь нэг талыг барьсан мэдээлэл түгээдэг болсон. Тиймээс хэрэглэгчид цахим хэлбэрээр мэдээлэл авч болохуйц олон сувгуудын дундаас сонголтоо хийж байна. 

Миний хувьд мэдээллийн эх сурвалж бол микро блог буюу twiiter.com, мөн мэргэжилтнүүдийн блог хуудсуудаас мэдээлэл авдаг. Би ямар нэгэн мэдээллийн цахим хуудсуудаас мэдээлэл авахаас илүүтэйгээр нийтлэгч нь тодорхой байх ямар нэгэн Блог-оос авсан мэдээлэлдээ илүү итгэлтэй байдаг. 

Энэ байдал нь цахим хэрэглээ илүү хөгжсөн газруудад ажиглагддаг. Хэрэглэгч ямар нэгэн бүтээгдэхүүн үйлчилгээ авахын өмнө интернэтээс хайдаг соёл хэвшисэн байдаг. Ингэхдээ тухайн байгууллагын үндсэн цахим хуудсаас илүүтэйгээр тухайн бүтээгдэхүүн үйлчилгээг өмнө нь ашиглаж байсан хүмүүсийн санал, сэтгэгдэлүүдэд илүү анхаарлаа хандуулдаг болсон.

Тиймээс Блог цахим хуудсууд нь хувь хүн бүхэнд нээлттэй байдаг мэдээллийн суваг юм. Бизнес эрхлэгчид болон мэргэжилтнүүд өөрсдийн хийж бүтээж буй зүйлсийн талаар маш бага зардлаар хүмүүст хүргэх боломж мөн энд байна. 

Хэрэв та блогтой бол Монгол блогчид цахим хуудсаар зочилон өөрийн блогийг бүтгүүлэхийг зөвлөж байна. Мөн The New Media Marketing Agency-с санаачилж буй Зарлиг хүмүүнлэгийн хөдөлгөөнд нэгдэхийн уриалж байна. 

 

 

 

Маркетинг сэтгүүлийн 16 дахь дугаар

Би 2009 оны 1-р сараас эхлэн өөрийн их сургуулийн анд нар болох Б.Амаржаргал, М.Тэмүүлэн, Б.Ганбаатар, Г.Ганзориг нартай хамтран МОНГОЛЫН МАРКЕТИНГИЙН ХӨГЖЛИЙН ТӨЛӨӨ..." уриатай "МАРКЕТИНГ" сэтгүүлийг эрхлэн гаргаад өнөөдөр 16 дахь дугаар гарлаа. 

"МАРКЕТИНГ" сэтгүүлийн гол зорилго бол Монголын маркетингийн хөгжлийг шинэ түвшинд аваачих байсан юм. 2009 онд бид хэд сургуулиа төгсөөд 2 жил болсон байлаа. Манай бусад хамтрагчид маань Юнитель, Анод банк, Туушин зэрэг компаниудад мэргэжлээрээ ажиллаж туршлага хуримтлуулан, өнөөгийн маркетингийн байдал, ажлын явц, хандлагын талаар тодорхой хэмжээний ойлголттой болсон учир энэ сэтгэл зүйд өөрчлөлт хийх хүсэл эрмэлзэл МАРКЕТИНГ сэтгүүлийг бүтээлгэсэн юм. Хамдаа сэтгүүлээ бэлтгэж, дизайныг нь бэлтгэж, хэвлүүлж, ууталж, тарааж явсан нөхөддөө баярлалаа. 

Using SOCIAL NETWORK for your business

Social network нь бидэнд маш олон боломжуудыг олгодог. Тэр болгоныг өөрийн ажил хэрэгтээ ашиглаж чадаж байна уу? 

Та дээрх асуултыг өөрөөсөө асуу, та магадгүй аль нэг social network цахим хуудсыг өөрийн ажил хэрэгтээ ашиглаж байвал "Тийм" гэсэн хариултыг өгөх байх. 

Facebook (World website Rank: 2 | Social Networking Rank: 1)

2004 онд хязгаарлагдмал байдлаар ашиглалтад орсон. 2010 оны 7-р сарын байдлаар 500 сая идэвхитэй хэрэглэгчтэй болсон байна. Facebook нь Mark Zuckerberg түний их сургуулийн ангийн нөхдийн бүтээл юм.

Монголчууд facebook-г өөрсдийн ажил хэрэгтээ хэрхэн ашиглаж байна:

• Гадаад сурч, амьдарч буй хүмүүс мөн Монголдоо байж таарахгүй зарим хүмүүс цаг алдалгүй харилцаа үүсгэж байна.
• Өөрийгөө олон нийтэд болон найз нөхөддөө ойлгуулах зүйлсийг өдөр бүр хийж байна. 
• facebook fan page-г өөрсдийн ажиллаж буй байгууллага, бүтээгдэхүүн, үйлчилгээг бусдад хүргэх гэж ажиллаж байна. 
• Сонирходог бүхнийхээ мэдээллийг цаг алдалгүй авч байна. 
• Хоорондоо танилцаж байна, шинэ зүйлсийн талаар мэдээллийг цаг алдалгүй авч байна. 

Нэгэнт уг цахим хуудсанд 150К орчим идэвхитэй хэрэглэгчид бий болсон. Тиймээс та маркетингийнхаа зардлыг багасгах жинхэнэ бодит хэрэглэгч нарыг хайж явдаг л бол энэхүү цахим хуудсанд заавал байх нь чухал. 

Twitter (World website Rank: 9 | Social Networking Rank: 2)

140 тэмдэгтэд багтаан бичээд бусдын бичсэнийг унших энэ энгийн хэрэглээтэй Social network цахим хуудас миний хувьд мэдээ, мэдээлэл, авах, түгээхэд маш чухал хэрэгсэлүүд болсон.

Монголчууд уг цахим хуудсыг хэрхэн ашиглаж байна:

• Мэдээллийг шуурхай хүлээн авдаг, мөн түгээдэг  .
• Өөрийн уулзаж чаддаггүй хүмүүсдээ хэлэх гэсэн зүйлээ хүргэдэг, зарим үед нь хариулт авдаг. 
• Бизнесийн болон хийж буй зүйлсийнхээ тухай бусдад зөв ойлголтыг өгдөг, мөн бусдынхыг хүлээн авдаг. 
• Мэдэхгүй зүйлдээ хариулт авдаг, зарим зүйлсийн талаар бусдын дунд хэлэлцүүлдэг. 

Энэхүү цахим хуудсанд манай улс төр, бизнесийн салбарын шийдвэр гаргах түвшиний удирдлагуудаас нилээн сайн төлөөлтэй болсон. УИХ-н гишүүд болон Яамдуудын удирдах түвшиний мэргэжилтнүүд бүгд Ipad-тай болоод түүнээсээ твиттер бичдэг болсон. Үнэхээр нийгмийн ил тод байдлыг харж болох талбар болсон. Та болохгүй, ойлгохгүй байгаа зүйлийг асуу, тэд ямар нэгэн хариулт өгнө. Нөгөө талаас хэвлэлийнхэнд мөнгө төлж өөрсдийн тухай бичүүлэх хэрэггүй болсон. Энд та бич бусад нь уншина ойлгоно. Сэтгүүлчид ямар нэгэн удирдлагаас асуух зүйл байвал цаг, зардал зарахгүй шуудхан асуух боломжийг бий болоод байна. 

LinkedIn (World website Rank: 22 | Social Networking Rank: 3)

Бизнес руу чиглэсэн Social network цахим хуудас. 2003 оны 5 сард нээгдсэн, илүү албан ёсны байдлаар хэрэглэгдэх цахим хуудас. 2010 оны 11 сарын байдлаар дэлхийн 200 гаруй орны 80 сая гаруй хүн бүртгүүлсэн байна. 

Монголчууд хэрхэн ашиглаж байна: 

• Ихэвчлэн гадны бизнес эрхлэгчидтэй харилцаа тогтооход илүү анхаарал хандуулдаг. 
• Бизнесийн харилцаа үүсгэдэг. 
• Илүү албан ёсны байдлаар ашигладаг тул цахим шуудан болон бусад холбоосыг олж авахад ашигладаг. 

Судалгааны эхний 3 байрыг эзэлж буй олон нийттэй харилцах мэдээ, мэдээллийн сүлжээ цахим хуудсуудад өөрийн сэтгэгдлийг оруулан нийтэллээ. Таны сэтгэгдэл надад болон бусдад хэрэг болж болох юм. 

Эх сурвалж: blog.badoo.com

 

Mongolian top twitters

Монголын twitter хэрэглэгчдийн тоо өдөр ирэх тусам өсөн нэмэгдсээр байна. Монголын ТОП-50 жиргээчдийн жагсаалтыг харж болно. Энэ цахим хуудсаар дамжуулан хэн бүхэн өөрийн үзэл бодлоо чөлөөтэй илэрхийлж, бусадтай санал солилцдог нь уг цахим хуудсанд бүртгэлтэй хэрэглэгчдийн идэвхитэй байдал нь өндөр байдаг байна. Миний тооцоогоор Twitter-т хэрэглэгчийн данстай Монгол хэрэглэгчийн тоо 4000 давсан байна. Хүмүүс болон байгууллагууд өөрсдийн блог, цахим хуудас, нэрийн хуудас зэрэг дээр Twitter дансаа тавьдаг болсон байна. 

Монголын идэвхитэй ТОП-50 Twitter хэрэглэгчдийг авч үзвэл 20% нь улс төр, 12% нь бизнесийн болон мэдээллийн байгууллага, 42% нь мэдээллийн технологийн мэргэжилтэн, 27% маркетинг болон бизнесийн салбарт ажиллагсад байна.

Монголын Facebook хэрэглэгчдийн судалгаа

Ерөнхий мэдээлэл

Дэлхий дээр нийт 678 928 320 хүн Файсбүүк цахим хуудсыг ашиглаж байна.

Нийт хэрэглэгчид:	158 680	Нийт хүн амын эзлэх хувь:	5.14%
Жагсаалтад эзлэх байр:	122	Он-лайн хүн амаас эзлэх хувь:	45.34%
Дундаж CPC: Cost per click	$0.10	Дундаж CPM: cost per mille, the advert cost per thousand views	$0.04

Монголд интернэт хэрэглэгчдийн тоо 158 680 хүрсэн. Энэ нийт интернэт хэрэглэгчдийн 45,34% гэж гаргасан нь Монголын идэвхитэй интернэт хэрэглэгчдийн тоо 350000 хүрсэн гэдгийг харуулж байна. 

Та facebook -ээр дамжуулан өөрийн байгууллага, брэнд, бүтээгдэхүүн, үйлчилгээний сурталчилгааг явуулахыг хүсвэл нэг даралт тутамд дунджаар 0,1$ төлөх ба 1000 хүнд харагдах тутамд дунджаар 0,04$ төлнө. 

Судалгаа #1

Өнөөдөрөөс 30 хоногийн өмнө facebook question дээр "Та алийг нь уншдаг вэ?" асуултыг тавин хариулт цуглууллаа. Судалгаан оролцогчид нь янз бүрийн насны төлөөлөл болох нийт 582 хүн санал өгсөн байна. 

Дүгнэлт

Судалгаанд оролцогсдын өгсөн хариултаас илүү, энэ асуулгад оролцсон 582 хүн миний сонирхолыг татаж байна. Учир нь тэд:

1. Бүгд facebook status уншдаг, 
2. Өөрсдийн танил, найз, нөхөдийн өгч буй мэдээлэлд илүү итгэл үнэмшилтэйгээр ханддаг, 
3. Ном, сэтгүүл, блог уншдаг нь өөрийн сонирхосон тодорхой зүйлд илүү цаг зарцуулдаг.

гэсэн дүгнэлтийг хийж болохоор байна. Та өөрийн дүгнэлтийг бас үлдээгээрэй. 

Өнөөдрийн харилцаа холбоо #Twitter

Илүү ойлголцох, дотно харилцаа үүсгэхэд хамгийн тохиромжтой Twitter гэдэгтээ санал нэгддэг. 

SEO - Хайлтын системийн оновчлол

SEO /Search engine optimization/ буюу Хайлтын системийн оновчлолын талаарх ойлготыг өгөх үүднээс энэхүү Podcast-ыг бэлтгэлээ. Сонирхолтой байна гэж найдаж байна. 

Илүү дэлгэрэнгүй мэдээлэл авахыг хүсвэл www.goy.mn блогоор зочилоорой. 

Төгөлдөр ярьж байна

The New Media Marketing Agency -н "Бид юу хийдэг, юу бүтээхийг зорьж байгаа" тухай танилцуулга видеог бүтээхэд оролцсон бичлэгийг хуваалцаж байна. 

1. Дэвшилтэт медиа маркетинг ба Маркетингийн агентлаг

2. Уламжлалт маркетинг ба Дэвшитэт медиа маркетинг

3. Social media marketing буюу Олон нийттэй харилцах мэдээ, мэдээллийн сүлжээ цахим хуудсууд дахь маркетинг 

4. Байгууллагын соёл буюу дотоод маркетинг

Удирдах зөвлөл дэх шинэ дүр

Сүүлийн жилүүдэд корпорацид CMO /Chief Marketing Officer/ нь ихээхэн яригддаг албан тушаал болж байна. Дэвшилтэт медиагийн үр дүнд гарч буй маркетингийн  томоохон өөрчлөлт шинэчлэлт өсөлтийн дагуу компаниуд маркетингийн үүрэг роль компаний стратегит болон санхүүд ихээхэн байгааг ойлгож эхэлж байна. Тэгсэн ч гэсэн CFO /Chief Finance Officer/-н албан тушаалдаа байх хугацаа 4-5 жил байдагтай харьцуулахад CMO-ийн албан тушаалдаа байх хугацаа нь 2-3 дахин бага байна.

Тийм ч олон компани өөрсдийн удирдлагын багтаа маркетингийн ажилтантай байдаггүй. Тэгэхээр компаниудад CMO хэрэгтэй юм уу эсвэл зөвхөн CMO-ийн дүр төдийн хүн хэрэгтэй юу гэсэн асуулт гарч ирнэ. Энэ нийтлэл нь энэ асуултад хариулт олох мөн компаниудад арай илүү стратегийн чиглэл санал болгох болно.  

Яагаад Маркетингийн ахлах мэргэжилтэн /Chief Marketing Officer/ хэрэгтэй вэ? 

Бизнесийн хүрээ тэлэхийн хэрээр маркетинг ч бас илүү өргөн хүрээний стратегит оролцоно. Хэрэглэгчдийн талаарх мэдлэгийг CEO болон удирдах зөвлөлийн бусад гишүүдэд ойлгомжтой байдлаар тайлбарлах, тэдний төвшинд ярилцах мэргэжилтэн шаардлагатай болсон юм. Мөн дараах үр ашиг гарах тул компаниудад CMO хэрэгтэй: 

Хөргөгч таны бүтээгдэхүүнийг сурталчилна

Хүн төвтэй бизнес бидний эрхэм зорилго. Бидэнд ажлын цаг гэж байхгүй энэ нь биднийг ажилдаа бага цаг зарцуулдаг болгодоггүй харин бид хүссэн газраасаа хүссэн үедээ ажлаа хийдэг нь бидний бүтээмжийг илүү өндөр болгож чаддаг. Бидэнд дарга гэж байдаггүй харин манлайлагч байдаг. Бид нэгнийхээ гаргасан санааг үгүйсгэхээс илүү дэмждэг. Бид ажил дээрээ дуртай зүйлээ хийдэг. Дартс, Play Station, Sega, ... гэх мэтчилэн өөрсдийн сонирходог дуртай тоглоомоороо ажил дээрээ тоглодог. Ажлынхаа хөрхөгчийг 14 хоногт 1 удаа дүүргэдэг. Хөргөгчинд жимс, сүү, тараг, пиво зэрэг бүтээгдэхүүнүүд байдаг. Ажил дээрээ пиво уудаг гэвэл та бараг итгэхгүй байх. Бид 14 хоногт 30-аад хүний хоолноос бусад дээр дурьдсан хүнсийг нь бэлддэг. Хөргөгч болон бусад өөрсдийн хэрэглэж буй бүтээгдэхүүний тухай Social network-уудаар байнга л яригдаж харагдаж байдаг. Манай хөргөгчийг дүүрэн байлгаж чадах байгууллагуудтай бид хамтран ажиллах сонирхолтой байна.

 

 

"Y" үеийнхэнд зориулж байгаа бол New media-г ашигла

Жил ирэх тусам манай улсад хийгдэж буй маркетингийн кампанит ажлууд илүү хэрэглэгчрүү чиглэсээр байна. Хэрэглэгчтэй илүү бодит харилцаа үүсгэж, санал гомдлыг илүү түргэн шуурхай хүргэж байгаа нь үнэхээр сайхан хэрэг. Эдгээр байгууллагууд нь олон нийттэй харилцах мэдээ, мэдээллийн сүлжээ цахим хуудсуудаар дамжуулан ямар ч зардал гаргалгүй хэрэглэгчидтэйгээ бодит харилцааг үүсгэж, илүү ойртож ажиллаж чадаж байгаа нь нөгөө талаас хэрэглэгч тухайн байгууллагатай харилцахад хялбар болж байгаа бөгөөд дараа, дараагийн худалдан авалтандаа дахин сонгох магадлал нь 80 хувиас давж гарах байх. Харин уламжлалт арга барилаар идэвхижүүлэлтээ хийж байгаа байгууллагуудад энэ хэмжээний дахин худалдан авалт гарахгүй болов гэж таамаглаж байна.

Миний мэдэж байгаагаар залуучуудад чиглэсэн, нийтэд зориулагдсан бүтээгдэхүүнүүд эдгээр Дэвшилтэд Медиа /Social Media/ маркетингийг ашиглаж байгаа нь харагдаж байна. 

4C

Сүүлийн жилүүдэд маркетингийн ухаанд гарч буй өөрчлөлтүүд таны сонирхолыг татах байх. Бүх зүйлийн хөгжил өндөр технологи даган хувьсан өөрчлөгдөж байгаатай адил маркетинг ч мөн шинэ шилдэг технологийг даган өөрчлөгдсөөр байна. Хамгийн том эргэлт гаргаж байгаа зүйл бол цахим (интернэт) орчин. Эдгээр өөрчлөлтөд хэн хамгийн хурдан дасч хэн хамгийн хурднаар мэдэрч байгаа маркетерүүд л бизнесээ амжилтын зүгт хөтөлсөөр. Маркетингийн ухаанд 4Р хэмээх бараа бүтээгдэхүүнийг амжилттай бүтээх, оновчтой үнийн бодлого тогтоох, шилдэг урамшуулал, худалдааны байршлын стратеги боловсруулдаг аргууд нэгэнт хоцрогдсон зүйл болжээ. Шинэ зуун, шинэ хөгжил, шинэ хэрэглэгч. Энэ бүхэнтэй нэгэн адил таньд маркетингийн шинэ дэвшил болох маркетингийн 4С-г танилцуулья.

Let's meet at the Mongolian Bloggers 2010

Би 2008 оноос эхлэн өөрийн мэргэжилтэй холбоотойгоор блог бичиж эхэлсэн боловч миний анхны блог болох www.mug.blog.mn -ийг бичдэг байсан боловч энэ сэрвэр, миний блог, миний ертөнц, миний хөдөлмөр, хамгийн чухал нь миний уншигчид бүгд байхгүй болсон нь тун харамсалтай. Гэвч би ахин өөрийн блогоо эхлүүлж та бүхэнтэй мэдээлэл солилцож байгаа даа баяртай байна.

Би Монголын маш олон блогийг уншиж байсан, тиймээс тэдгээр хүмүүстэй уулзаж, ярилцахыг тэсэн ядан хүлээж байна.

"Миний дуртай топ 5 блог" аян #BloggersMN

Та бүхний мэдэж байгаа блогчдод зориулсан томоохон арга хэмжээ болох Монгол Блогчид 2010 тун удахгүй болох гэж байгаатай холбогдуулан, "Миний дуртай топ 5 блог" аяны буухиа үргэлжилсээр байна. Энэхүү аянд зориулж өөрийн дуртай блогчдыг доор нэр дурдлаа.

1. Энхбатын блог - Монголын интернэтийн загалмайлсан эцэг гэж хэлж болох УИХ-ын гишүүн, Ногоон намын тэргүүн Энхбатын блогоос шудрага нийгмийг үнэртдэг.
2. Мэнд-Оршихын блог - Маркетингийн шинэ чиг хандлага, New media, social media-ын тухай ойлголтыг олж авсан блог маань юм. 
3. Business Opportunity - Монголын маркетингийн хөгжлийн төлөөх МАРКЕТИНГ сэтгүүлийн эрхлэгч, хамтрагч Б.Амаржаргал-ын блогоос өөрийнхөө дутууг гүйцээдэг. Миний хувьд Маркетингийн мэргэжлийн мэдээллийн баазын маань нэг.
4. Jirgee.com - Social Media болон маркетингийн шинэ хандлагын талаар сонирхолтой мэдээллийг бусдаас хуулбарлахгүйгээр нийтлэдэг энэхүү блог нь нийгмийн сайн сайхны төлөө байдгаараа бусдаас ялгарч харагддаг.
5. Залуу-Маркетер -Мэргэжил нэгт залуучуудын маань бичдэг энэхүү блогийг аль болох уншихыг хичээдэг.

Энэхүү блогийг уншсан хэн бүхэн энэхүү буухиаг цааш үргэлжлүүлэхийг уриалж байна. Таны уншдаг тэр блогийг магадгүй би мэддэггүй байж болох юм. Мэдлэгт нэмэр болохын тулд та бүхэн харамгүй хуваалцаарай.

 

Mongolian bloggers 2010

МОНГОЛ БЛОГЧИД 2010

Монголын шилдгийн шилдэг блогчдыг шалгаруулах үйл ажиллагаа

 Интернэтийн хэрэглээ улам бүр хүрээгээ тэлж, блог нь интернэт орчин дахь хамгийн өргөн хүрээг хамарсан харилцааны хэрэгсэл болж байна. Блог нь хүмүүсийн мэдлэг, чадвараа хуваалцах хэрэгсэл болж мэдлэгийн баялагийг бүтээх нийгмийн харилцааны хэлбэр болон хөгжиж байна.  Тэр тусмаа нийгмийн идэвхитэй хэсэг болсон мэдлэг боловсролтой, ажил хэрэгч хүмүүс интернэтийг өргөнөөр ашиглаж, блогоор дамжуулан өөрсдийн үзэл бодол, мэдээ мэдээлэл, санал бодлоо солилцож байна. Тиймээс хурдтай хөгжиж буй интернэт орчинг зөв зохистойгоор хүртээмжтэй ашиглах хэрэглээний соёлыг дээшлүүлэх хэрэгцээ шаардлага урган гарч ирсээр байна.

The New Media Marketing Agency санаачлан, интернэт хэрэглээний соёл болох блогоор дамжуулан өөрийн мэдлэг, туршлагаа хуваалцаж, иргэний сэтгүүл зүйг хөгжүүлэхэд үнэтэй хувь нэмэр оруулж буй Монголын блогчдыг тодруулан, нийгэмд зөв үлгэр дууриалал болгож, мэдээллийн технологийн хөгжилд бодитой хувь нэмэр оруулах "МОНГОЛ БЛОГЧИД - 2010" Монголын шилдгийн шилдэг блогчдыг шалгаруулах ёслолын ажиллагааг 2010 оны 12 сарын 3-ны 19:00 цагт iLoft Function House-д зохион байгуулахаар боллоо.

 Ёслолын ажиллагаанд:

1.         Оны Шилдэг Энтертайнмент Блог

2.         Оны Шилдэг Нийгмийн сэдэвт Блог

3.         Оны Шилдэг Бизнес Блог

4.         Оны Шилдэг Олны таашаал хүртсэн Блог гэсэн 4 төрөл болон Оны Шилдгийн Шилдэг Блогийг тодруулж New Media цом, өргөмжлөл, ивээн тэтгэгчийн шагнал гардуулна.

Ёслолын ажиллагаанд Монголын нэрт нийтлэгч ноён Баабар, Зохиолч сэтгүүлч Амарсайхан, Монголын блогчдын холбооны тэргүүн Б.Батхүү, дэлхийг тойрон аялагч DJ Амай, Тэнгэр группын Ерөнхийлөгч Ч. Ганхуяг, шилдэг блогч Хантулга, Санэке, жааз дуучин Д.Цэцэнбилэг, "Алтан ураг", "Ванкуиш" хамтлаг зэрэг нийгэм, улс төр, урлаг, спортын зүтгэлтнүүд, мэдээллийн технологийн мэргэжилтнүүд, Монголын шилдэг 100 блогч урилгаар хүрэлцэн ирж Улаан хивсний ёслолын ажиллагаанд хүндэтгэлтэйгээр оролцоно.

 Мөн Ёслолын ажиллагааны тасалбарын орлогоор NMMA, "Жиргээ" ТББ-тай хамтран Хөгжлийн бэрхшээлтэй иргэдийн эрхийг хамгаалах өдрийг тохиолдуулан, мэдээллийн технологийн салбарт идэвхитэй ажиллах зорилготой хөгжлийн бэрхшээлтэй 2 иргэнд тусламж үзүүлэх хүмүүнлэгийн үйл ажиллагаа болно.

 Блог бичдэг хүн бүр бүртгүүлж МОНГОЛ БЛОГЧИД 2010 шилдгийн шилдэгт өрсөлдөх боломжтой.

 Та блогоо бүртгүүлэх бол   ЭНД ДАРНА УУ

Блог хөтлөх шалтгаан

Блог-уудаас маш олон зүйлийн тухай мэдэж болдог. Монгол МАСС медиа-нууд ихэнхдээ ямар нэгэн байгууллага, улс төрийн намын эрхшээлд орсон, нэг талыг барисан мэдээлэл хүргэдэг. Би блогоос ихэнх мэдээллээ авдаг, их зүйлийг сурдаг, боддог, .....

VOLVO компанийн маркетингийн кампанит ажил

Цахим шуудангийн маркетингийн зохист хэрэглээ ямар үр ашиг авчирч болох, бид маркетингийн зардлын өгөөжийг тооцох ямар боломжтой болохыг доорх жишээгээр тайлбарлахыг эрмэлзлээ. Өмнөх Цахим шуудангийн маркетингийн зохист хэрэглээ -ний талаарх нийтлэлээс та цахим шууданг өөрийн маркетингийн төлөвлөгөөнд оруулах нь чухал гэдгийг ойлгосон бол энэ удаагийн сэдэвт та хэрхэн төлөвлөж, кампанит ажлыг зохион байгуулж болохыг дэлхийн авто машин худалдааны зах зээл дээр өрсөлдөгч VOLVO компанийн амжилттай хэрэгжүүлсэн жишээг хүргэж байна.

Marketing

Сайн байцгаана уу? Ойрд хэрэглэгчийг бухимдуулсан асуудлууд нийгэмд эсвэл надад их тааралдсан болохоор ч тэр юм уу? Манайд үйл ажиллагаа явуулж буй байгууллагууд хэрэглэгчид хэрхэн үйчилж, тэд чухам аль хэсэгт алдаж байгааг өөрийн зүгээс дүгнэхэд хүргэв. Энэхүү нийтлэлд Номин Хайпер Маркет, Next electronics, Говь хангай мебель, Urgoo кино театр зэрэг байггууллагуудын үйлчилгээ болно.